Kryeministri i Kroacisë, Andrej Plenkoviq, ka pritur në takim ministrin e Mbrojtjes të Kosovës, Ejup Maqedonci.

Me anë të një postimi në “X”, Plenkoviq tha se në takim u diskutuan për mundësitë e bashkëpunimit të dy vendeve në fushën e mbrojtjes, shkruan Arbresh.info.

“Takova ministrin e Mbrojtjes së Kosovës, Ejup Maqedonci. Konfirmuam marrëdhënie të shkëlqyera bilaterale dhe mbështetje të vazhdueshme për rrugën euroatlantike të Kosovës. Gjithashtu diskutuam për mundësitë e bashkëpunimit të mëtejshëm në fushën e mbrojtjes në mes Kroacisë dhe Kosovës”, ka shkruar kryeministri kroat.

Ndryshe bëhet e ditur se ministri Maqedonci po qëndron në Kroaci me ftesë të zëvendëskryeministrit dhe ministrit të Mbrojtjes së Kroacisë, Ivan Anushiq./Arbresh.info/

Primio sam ministra obrane Kosova Ejupa Maqedoncija. Potvrdili smo odlične bilateralne odnose te nastavak potpore euroatlantskom putu Kosova. Raspravili smo i o mogućnostima daljnje suradnje u području obrane.🇭🇷🇽🇰@MORH_OSRH pic.twitter.com/XdMY3xYShv

— Andrej Plenković (@AndrejPlenkovic) June 26, 2024