Google ADS

Pezullohen të gjitha linjat e udhëtimit në Aeroportin e Prishtinës

08:35 | 16 Mars 2020
Arbresh.info

Sot në 00:00 ka hyrë në fuqi vendimi i Qeverisë së Kosovës i cili u mor të premten në mbrëmje për pezullimin e fluturimeve nga Aeroporti i Prishtinës.

Përjashtim bëjnë linjat e udhëtimit në ardhje me ekuipazh, por pa udhëtarë që shërbejnë vetëm për largim të udhëtarëve nga Kosova.

Kjo u bë si masë shtesë pas konfirmimit të rasteve pozitive me virusin CODIV-19.

“Nga data 16 mars 2020 bëhet pezullimi i përkohshëm i të gjitha linjave të udhëtimit ajror në Aeroportin e Prishtinës, përveç fluturimeve ushtarake, dhe emergjencave medicinale (MEDIVAC). Përjashtim bëjnë linjat e udhëtimit në ardhje me ekuipazh, por pa udhëtarë që shërbejnë vetëm për largim të udhëtarëve nga Kosova”, thuhet në vendimin e Qeverisë së Kosovës.

Kjo ishte një nga masat që janë ndërmarrë gjatë këtyre ditëve për të parandaluar përhapjen e coronavirusit.

Ndryshe, mbrëmë Qeveria e Kosovës ka shpallur edhe gjendjen emergjente të shëndetit publik,. Deri tani të prekur me coronavirus janë 13 qytetarë.

Edhe 4 raste të reja me coronavirus

 

Shpërndaje në rrjete sociale

Lajmet më të lexuara

Të ngjashme

Foto lajm