Kryesuesi i ekipit të Serbisë në dialog, Petar Petkoviq, tha se sot delegacioni i Beogradit ka treguar përkushtim të plotë për çështjen e dinarit.
Sipas tij, “takimi në Bruksel ka treguar se vendimi për Rregulloren e re të BQK-së nënkupton zgjidhje në nivel politik”.
Pas takimeve në Bruksel, ai u tha gazetarëve se fakti që ndodhet në Bruksel, ndryshe nga kryenegociatori i Kosovës, Besnik Bislimi, “tregon vendosmërinë e Beogradit për zgjidhjen e problemeve me dialog”.
Sipas tij, takimi tregoi se vendimi i BQK-së “nënkupton zgjidhje në nivel politik”.
“Prandaj kam qenë këtu, e jo Bislimi. Pasojat e një vendimi të tillë janë politike. Është e vërtetë që dinari nuk është diskutuar kurrë në dialog deri më tani, por duke pasur parasysh se vendimi” i BQK-së “prek drejtpërdrejt serbët, sigurisht që do të diskutohet në Bruksel”, tha Petkoviqi.
Ai tha më tej se është e rëndësishme të tregohet vendosmëria e plotë, “prandaj delegacioni i Beogradit erdhi në përbërje të plotë dhe theksoi pasojat shkatërruese të vendimit për dinarin”./Klankosova.tv/
Vdes motra e Adem dhe Hamëz Jasharit
Rama publikon pamjet nga Korridori VIII: Po punohet në disa ...
Vuçiq për FSK-në: Janë të trajnuar mirë, s’ka dyshim – por n...
Horoskopi ditor – Çfarë kanë parashikuar yjet për shen...
Sot mbahet protesta e shqiptarëve në Preshevë
AGK-ja sot publikon raportin vjetor ‘Treguesit e nivelit të ...