Drejtori i Zyrës për Kosovën dhe Metohinë, Petar Petkoviç ka reaguar pas deklaratës së kryeministrit Albin Kurti se do të votonte pro-bashkimit Shqipëri-Kosovë, nëse do të kishte një referendum demokratik dhe paqësor.
Petkoviç kërkoi që komuniteti ndërkombëtar të reagojë ashpër ndaj Kurtit. Sipas tij, nuk mund të ketë një “referendum paqësor dhe demokratik për bashkimin Kosovë-Shqipëri”, pasi pjesa më e madhe e njerëzimit do të ishte kundër.
“Komuniteti ndërkombëtar duhet që të reagojë ndaj deklaratave të rrezikshme dhe armiqësore të Albin Kurtit rreth konceptit fashist të Shqipërisë së Madhe, e cila kërkon bashkimin e provincës në jug të Serbisë me Shqipërinë. Ky reagim duhet të jetë vendimtar përpara se Kurti të mendojë se heshtja do të thotë miratim dhe se ka një dritë jeshile për të tërhequr rajonin në një spirale të re konflikti. Paralajmëroj se kërcënimet unilaterale për ripërcaktim të kufijve mbart kërcënimet për konflikte dhe këto mund të aspirojnë të njëjta aspirata në rajon…Nuk mund të ketë referendum paqësor dhe demokratik për të lejuar krijimin e ‘Shqipërisë së Madhe’ sepse ata që do të votonin në referendum nuk e kanë Kosovën dhe Metohinë në dispozicion dhe ata do të kishin kundër pjesën më të madhe të njerëzimit, i cili mbështet ligjet ndërkombëtare”, deklaroi Petkoviç./aktuale.mk/
Rama publikon pamjet nga Korridori VIII: Po punohet në disa ...
Vuçiq për FSK-në: Janë të trajnuar mirë, s’ka dyshim – por n...
Horoskopi ditor – Çfarë kanë parashikuar yjet për shen...
Sot mbahet protesta e shqiptarëve në Preshevë
AGK-ja sot publikon raportin vjetor ‘Treguesit e nivelit të ...
Simone Inzaghi tregon se si ekipi i tij humbi derbin me Mila...