Kryetari i Komunës së Prishtinës, të martën, Përparim Rama, pret në një takim një delegacion të nivelit të lartë të BERZH-it, të kryesuar nga presidentja e BERZH-it, Odile Renaud Basso, si dhe shefin e delegacionit të BE-së në Kosovë, Luiggi Brusa, me ç’ rast do të nënshkruhet një Marrëveshje Bashkëpunimi në mes të Kryetarit Rama dhe presidentes së BERZH-it, Basso.
Banka Evropiane për Rindërtim dhe Zhvillim (BERZH) po jep një kredi prej 5 milionë euro për të ndihmuar përmirësimin e efikasitetit të energjisë në ndërtesat publike në Prishtinë. Fondet do të përdoren për të financuar masat e efikasitetit të energjisë në ndërtesat në pronësi komunale, duke përfshirë kopshtet e fëmijëve, shkollat dhe qendrat e kujdesit shëndetësor parësor.
Përveç kësaj, Bashkimi Evropian (BE) po ofron një grant investimi prej 1 milion euro nga Programi Rajonal i Efiçiencës së Energjisë për Ballkanin Perëndimor.
Investimi është pjesë e angazhimit më të gjerë të Prishtinës në programin e BERZH për Qytetet e Gjelbërta, i cili mbështet qytetet për të investuar në infrastrukturën e gjelbër dhe të qëndrueshme dhe për të adresuar sfidat kryesore mjedisore.
Pas nënshkrimit të Marrëveshjes së Bashkëpunimit, Kryetari Rama së bashku me presidenten znj, Basso, do të paraqiten me një konferencë për media ku edhe do të keni mundësi të njoftoheni më shumë rreth marrëveshjes./arbresh.info/
Nesër fillon turi i koncerteve të Sabrina Carpenter, Columbu...
Nesër bëhet hapja solemne e Festivalit Ndërkombëtar “E...
Arteta i ashpër në konferencë për media pas ndeshjes me Man ...
Soja nuk është vetëm për vegjetarianë – Proteinat e sa...
Margot Robbie tregon barkun e rrumbullakosur gjatë një paraq...
Muharrem Jashari asiston në ndeshjen e Cherkasyt