Kandidati i PDK-së për kryeministër, Bedri Hamza, ka marr pjesë në përurimin e objektit të ri të Qendrës Kryesore të Mjekësisë Familjare në Mitrovicë.

Hamza ka thënë se përmirësimi i shërbimeve mjekësore ka qenë ndër prioritetet e tij më të larta, transmeton Arbresh.info

“Të qëndroj këtu bashkë me ju është një moment i veçantë për mua. Është një moment që më jep krenari, por edhe vendosmëri që të vazhdoj të punoj kështu dhe të jem gjithmonë në shërbim të qytetarëve. Qendra e re e mjekësisë familjare në Mitrovicë nuk është vetëm një objekt i thjeshtë. Ajo është një simbol i transformimit të kujdesit parësor shëndetësor në Kosovë dhe i përmbushjes së premtimeve që u japim qytetarëve tanë”, ka thënë Hamza.

Ai ka shtuar se ky objekt që sot po promovojmë, ndër të tjera, përfaqëson më së miri edhe vizionin tonë për një sistem shëndetësor që përmbush nevojat e qytetarëve me dinjitet e efikasitet.

“Në këto tre vite, gjatë të cilave bëmë shumë hapa të rëndësishëm, punësuam mbi 100 profesionistë të rinj për të fuqizuar ekipet shëndetësore dhe kujdesin parësor. Ndërtuam katër qendra të mjekësisë familjare të reja në Iliridë, Koshtovë, Frashër dhe Stan Tërg. Rinovuam nëntë qendra mjekësore në zonat urbane dhe rurale. Me përvojën dhe sukseset e dëshmuara në Mitrovicë, ne jemi të gatshëm që këtë model ta zbatojmë në gjithë Kosovën”, ka thënë Hamza.

Kjo qendër është ndërtuar si bashkëfinancim nga Komuna e Mitrovicës dhe shoqatës “Jetimat e Ballkanit”.

Drejtuesi i kësaj shoqate, Halil Kastrati, tha se këtë qendrët ia kemi pas me borxh vendit.

“Ja kemi borxh këtij vendi. Një ditë nuk kemi me qenë. Po, kryetari ma tha një fjalë në zyrën e tij sot. Ky objekt tha se do të jetojë shumë më shumë se unë edhe ti. Edhe unë po i them kryetarit: është shumë e vërtetë, por ne kemi me shku, por e dimë që kemi lënë të paktën diçka. Mitrovicë, e gëzofshit!”, tha ai./Arbresh.info