Përleshje masive në Mitrovicën e Veriut, plagoset polici që ndërhyri

12:47 | 6 Qershor 2020
Arbresh.info

Si rezultat i një zënke që u zhvillua pas mesnatës në shëtitoren e Mitrovicës, dhe pas ndërhyrjes së policisë, një oficer policie pësoi lëndime të lehta trupore, konfirmoi për KoSS zëdhënësi i Policisë së Kosovës për rajonin e Veriut, Nënkoloneli Branislav Radoviç.

“Rreth orës 01:11 në rrugën Kralja Petra, pati një përleshje masive, pas së cilës policia ndërhyri, dhe ku oficeri i policisë mori një goditje në kokë dhe u dërgua në spital, ku u gjet se kishte lëndime të lehta trupore”, konfirmoi Radoviç, transmeton portali arbresh.info.

Rrethanat iu raportuan oficerit policor hetues i cili kontaktoi hetuesit rajonalë dhe prokurorin e detyrës që urdhëroi hapjen e çështjes – sulm ndaj një zyrtari.

I dyshuari serb Đ.M. (1993) për sulmin ndaj një oficeri policie, u urdhërua ndalimi prej 48 orësh. Hetimi po vazhdon.

Sidoqoftë, Radoviç nuk mund ta konfirmonte këtë mëngjes se disa persona u plagosën gjatë përleshjes së mbrëmshme. Ai shprehet se pritet një raport i ri, më i detajuar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm