Google ADS

Përleshje fizike në mes të shqiptarëve dhe serbëve në Fushë Kosovë – tre të lënduar

20:40 | 9 Shkurt 2020
Arbresh Info

Një përleshje fizike midis disa shqiptarëve dhe serbëve ka ndodhur këtë të diel në Fushë Kosovë.

Rasti ka ndodhur rreth orës 19:00.

Policia  bën të ditur se, personat që janë përfshirë në rrahje janë fqinj dhe kanë pasur një mosmarrëveshje për parking.

Rastin në fjalë për arbresh.info e kanë konfirmuar edhe nga Policia e Kosovës.

“Ka pasur një mosmarrëveshje për parking. Dy palët në fjalë janë fqinj ndërmjet vete. Njësitet e Policisë kanë arritur në vendin e ngjarjes menjëherë pas thirrjes dhe po merren me rastin. Për më shumë do ju informojmë me kohë. Por të dhënat e para tregojnë se ka pasur një mosmarrëveshje për parking”, ka thënë zëdhënësi i Policisë së Kosovës, Daut Hoxha.

Ndërkohë Express merr vesh se tre persona janë të lënduar pas kësaj mosmarrëveshje dhe po trajtohen në QKUK. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm