13 persona janë arrestuar në Prishtinë pasi janë përfshirë në një përleshje sot pas mesnatës në rrugën “Lidhja e Pejës” në Prishtinë.

Siç njofton policia, në vendin e ngjarjes është sekuestruar një armë AK 47, që ishte në posedim të njërit nga të dyshuarit e arrestuar.

Në cilësi të provave materiale është sekuestruar edhe një DWR i kamerave të sigurisë që ishte larguar nga njëri prej të arrestuarve me qëllim të fshehjes së provave.

“Prishtinë / 23.10.2024 – 01:22. Pas raportimit për të shtëna me armë, policia në vendin e ngjarjes ka hasur në dy viktimat meshkuj kosovarë njëri i plagosur nga arma, ndërsa tjetri me lëndime. Të lënduarit janë dërguar në QKUK për tretman mjekësor. Në vendin e ngjarjes është gjetur dhe sekuestruar një revole dhe një fishek. Lidhur me incidentin janë arrestuar trembëdhjetë (13) meshkuj kosovarë të cilët me urdhër të prokurorit janë dërguar në mbajtje, ndërsa pas ndërmarrjes së veprimeve hetimore është arritur të identifikohet dhe sekuestrohet edhe një armë AK 47 që ishte në posedim të njërit nga të dyshuarit e arrestuar. Në cilësi të provave materiale është sekuestruar edhe një DËR i kamerave të sigurisë që ishte larguar nga njëri prej të arrestuarve me qëllim të fshehjes së provave. Lidhur me rastin njësitë policore kanë ndërmarrë veprimet për procedurat e mëtejme hetimore”, thuhet në raport./Arbresh.info/

LEXO EDHE:

Arrestohen 13 persona pas një përleshje mes vete në Prishtinë, pësojnë lëndime katër prej tyre