Përfundon seanca ndaj komandant “Ujkut”, ja kur do të mbahet seanca e radhës

11:01 | 23 Shtator 2021
Arditë Shkodra

Ka përfunduar seanca e tretë mbi ecurinë  e çështjes, ndaj ish-komandanti i Ushtrisë Çlirimtare të Kosovës (UÇK), Pjetër Shala, i cili po akuzohet për krime lufte nga Zyra e Prokurorit të Specializuar (ZPS), dhe pritet që seanca e radhës të mbahet më 15 nëntor.

Konferenca mbi ecurinë e çështjes gjyqësore parashihet me rregullën 96 të Rregullores së Procedurës dhe Provave të Dhomave të Specializuara të Kosovës (DHSK), shkruan arbresh.info

Pjetër Shala i njohur me nofkën si “Ujku”, nuk ka marrë pjese në sallën ku është mbajtur seanca mbi ecurinë e çështjes, por e ka ndjekur të njëjtën përmes videolinkut të Gjykatës Speciale.

Shala u arrestua më 16 mars 2021 nga autoritetet belge dhe u transferua në Hagë më 15 prill 2021, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm