Ka përfunduar seanca e sotme për gjykimin kundër ish-pjesëtarit të Ushtrisë Çlirimtare të Kosovës (UÇK), Salih Mustafa, ndryshe i njohur si komandant Cali.

Pas kthimit nga pushimi kryetarja e trupit gjykues, Mapi Feld Folia i’a ka dhënë fjalën mbrojtjes së Musfës, avokatit Von Bone për të vazhduar me pyetjet ndaj dëshmitarit, raporton arbresh.info

Von Bone: Nga vendi ku gjendej njësia juaj, ku ishte shtabi i Policisë Ushtarake, sa larg njësisë suaj ishte shtabi?

Dëshmitari: Nuk e di që ka pas ndonjë shtab policia ushtarake.

Von Bone: Sa për t’a kuptuar unë, a e dinit se kush ishte komandanti i policisë ushtarake?

Von Bone: Në njësinë tuaj kishte disa njerëz nga policia ushtarake në njësinë tuaj, këtë thatë apo jo, këta persona… përmbajte e redaktuar.

Kalohet në seancë private

Pas kthimit  nga seanca private në atë publike, gjykatësja i’a dha fjalën prokurorisë për pyetje shtesë, mirëpo kjo e fundit nuk pati pyetje të tjera, bashkë më mbrojtjen e viktimave.

Mapi-Feld Folia ka bërë të ditur se edhe nesër do të vazhdohet me seancë, ku dëshmitari do të intervistohet nga trupi gjykues.

Kujtojmë që në këtë seancë Mustafa nuk ka marrë pjesë fizikisht por përmes video-lidhjes nga objekti i paraburgimit

Aktakuza ndaj komandat Calit është konfirmuar më 12 qershor 2020.

Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar.

Në aktakuzën e konfirmuar ndaj Salih Mustafës, thuhet se ai  akuzohet në kuadër të formave të ndryshme të përgjegjësisë penale, për: ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovë, ose në lidhje me atë konflikt./ArditëShkodra/arbresh.info.