Përfundon intervistimi në Prokurori, i dyshuari për vrasjen e Aulon Zekës deklarohet i pafajshëm

07:08 | 18 Shtator 2017
Arbresh.info

Prokuroria Themelore në Prishtinë ka përfunduar marrjen në pyetje të dy personave të mitur, të arrestuar në mbrëmjen e së dielës nga Policia e Kosovës, mbi dyshimet për përfshirjen e tyre në vrasjen e 16-vjeçarit Aulon Zeka, të shtunën.

Dy të dyshuarit janë mbrojtur në praninë e avokatëve të tyre, ka bërë të ditur prokurori Valdet Gashi, në një prononcim për Gazetën Express.

I dyshuari si autor i vrasjes, mashkull, nuk e ka pranuar fajësinë për krimin, ndërsa e pafajshme është deklaruar edhe një femër, që dyshohet si pjesëmarrëse në veprën penale.

Pas intervistimit të dy të miturve, mbi dyshimet e bazuara për ndërlidhjen e tyre me rastin në fjalë, Prokurori ka vendosur që fillimisht dy personat të dërgohen në mbajtje për 48 orë.

Prokurori mund të vendosë më tej edhe masë për sigurimin e pranisë së të pandehurve në procedurë penale.

 

Shpërndaje në rrjete sociale

Lajmet më të lexuara

Të ngjashme

Foto lajm