Përfundimi i ankandit të parë solar, Kurti jep detaje

23:12 | 31 Janar 2024
E.G

Kryeministri i vendit, Albin Kurti ka njoftuar se sot është përmbyllur me sukses procesi i ofertimit për ankandin të parë solar 100 megavatë.

Me anë të një postimi në Facebook, Kurti bëri të ditur se deri më tani kanë pranuar 6 oferta.

“E deri më 3 shkurt mund të pranohen edhe të tjera përmes postës. Ankandi është sukses drejt ndërtimit të kapaciteteve të reja me çmimin më të përballueshëm për qytetarët, kurse procesi i realizimit të tij është sukses i transparencës e konkurrencës në sektor. “, ka shkruar Kurti.

Më tej kryeministri Kurti u shpreh se për herë të parë në Kosovë po realizohet një skemë e tillë konkurruese, ku kompanitë e kualifikuara vijnë të garojnë për të investuar në Kosovë. Ministria e Ekonomisë me përkrahje të USAID ka dizajnuar një skemë tërheqëse për këto kompani.

“Pas ankandit të parë, në radhë janë skemat tjera konkurruese për realizimin e 950 megavatëve nga burimet e erës dhe diellit.”, thuhet në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm