Qeveria e Republikës së Kosovës ka mbajtur sot mbledhjen e 106-të me radhë.
Kryeministri Albin Kurti në rrjetin social Facebook ka publikuar vendimet që janë marrë në mbledhje, shkruan arbresh.info.
Postimi i tij i plotë
Në mbledhjen e 106-të të Qeverisë së Republikës së Kosovës:
Funksionalizuam Sistemin Qendror të Evidencës Penale, që të do mundësojë transparencë e efikasitet më të madh, por edhe llogaridhënie brenda sistemit gjyqësor.
Për shpërndarje të barabartë të burimeve që kontribuon në mundësi të barabarta për të gjithë: gratë dhe burrat, vajzat dhe djemtë, miratuam koncept dokumentin për Buxhetimin e Përgjegjshëm Gjinor.
Thjeshtuam dhe lehtësuam procedurat e regjistrimit dhe funksionimit të organizatave joqeveritare.
Për mbrojtje e siguri, mirëmbajtje të rendit publik dhe shërbimeve publike emergjente miratuam Planin Kombëtar të Radio Frekuencave, për ofrimin e shërbimeve të radio komunikimeve në tërë territorin e Republikës.
Themeluam komisionin ekzekutiv që do të mbikqyrë dhe sigurojë mbarëvajtjen e procesit të transformimit digjital.
I hapëm udhë marrëveshjes për zbarkime të përbashkëta të Forcës së Sigurisë së Kosovës me ato të Mbretërisë së Bashkuar.
Me projekt-udhëzimin administrativ të miratuar sot, krijojmë mundësitë e sigurimit të pajisjeve që shërbejnë për lëvizje dhe asistim, që do të ofrohen falas për personat paraplegjik dhe tetraplegjik.
Qeveria jonë është e përkushtuar për të ndërtuar një shoqëri të drejtë, e një të ardhme me mundësi më të mëdha për të gjithë./arbresh.info/
Dodiku takohet me Putinin në Kazan
BQK dhe BERZH nënshkruajnë memorandum mirëkuptimi lidhur me ...
Saipi pjesë e formacionit të javës në Ligën e Konferencës
Fituesja iraniane e Nobelit Narges Mohammadi dënohet me gjas...
Veliaj zëvendëson 12 drejtues të Bashkisë së Tiranës, ndrysh...
Vrasja e një polici në Bosnje cilësohet si terrorizëm