Google ADS

Për të dhjetën herë iu ndalua hyrja në Kosovë, reagon zyra e Petkoviqit

11:24 | 12 Tetor 2022
A. B.

Drejtori i së ashtuquajturës “Zyre për Kosovën”, Petar Petkoviq në Qeverinë e Serbisë prapë i është ndaluar hyrja në Kosovë.

Kishte të shkonte në kurorëzimin e Patriarkut serb Porfiri në Patriarkanën e Pejës.

Sipas kësaj të ashtuquajture “zyreje”, Petkoviqit i është ndaluar hyrja në Kosovë për të dhjetën herë.

“Kjo është hera e dhjetë që autoritetet në Prishtinë, të udhëhequra nga Albin Kurti, demonstrojnë forcë dhe arbitraritet dhe ia kanë ndaluar Petkoviqit të vizitojë Kosovën. Kjo është shkelje brutale e marrëveshjes, si ajo për lirinë e lëvizjes dhe Marrëveshja për vizitat zyrtare, e cila parasheh një procedurë të thjeshtuar për vizitën e kryenegociatorit për dialogun me Prishtinën”, thuhet në njoftim. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm