Kryetari i Aleancës për Ardhmërinë e Kosovës (AAK), Ramush Haradinaj, ka thënë se brenda katër viteve të fundit, Kosovën e kanë braktisur 211 mijë e 789 persona.
Haradinaj ka thënë se mashtrimi për ndryshim shpejt doli në pah dhe kjo i shtyri njerëzit që në masë të madhe ta braktisin Kosovën.
“211.789 persona e kanë braktisur Kosovën veç këto katër vitet e fundit. Mashtrimi i ndryshimit të madh të pushtetit shumë shpejt doli në pah dhe kjo i shtyri njerëzit që në masë të madhe dhe heshturazi zgjidhjen e problemeve ekonomike ta kërkojnë në rrugët e botës. Të mos keqkuptohemi, gjithmonë ka pasur dhe do të ketë migrim nga vendet e Ballkanit, pra edhe nga Kosova për në vendet perëndimore. Është e drejtë njerëzore e drejta për një jetë më të mirë. Megjithatë, ajo çka po ndodhë në Kosovë në këto katër vite nuk është më vetëm migrim, por ky fenomen po merr karakter të dyndjes. Kosova nuk ka problem migrimi por ka problem dyndjeje të popullatës”, ka thënë Haradinaj.
Haradinaj ka shtuar se Kosova ka shënuar regres ekonomik në katër vitet e fundit.
“Qe katër vjet Kosova ka regres ekonomik e assesi progres. Pagat e njëjta, çmimet e larta, perspektiva zero. Qeveria vazhdon sjelljen e papërgjegjshme. Nuk e pranon problemin por e vazhdon mashtrimin se më shumë po kthehen se sa që po shkojnë e të gjithë e dimë se askush nuk po kthehet. Kjo qasje urgjent duhet të ndryshojë!”, është shprehur Haradinaj./Arbresh.info
Liverpooli arkëton tri pikët e radhës, vazhdon lidershipin n...
Plagosje me armë zjarri në Mitrovicë
Siria aplikon për anëtarësim në organizatën BRICS
Përmbytjet në Vlorë/ Ministri Vengu: 250 forca ushtarake në ...
Muharrem Jashari i bashkohet Kosovës nga lista e pritjes
Preket nga përmbytjet qyteti turistik talajndez, evakuuohen ...