Pediatria pa shtretër të mjaftueshëm për fëmijët e hospitalizuar

08:13 | 14 Mars 2019
Arbresh.info

Sh.R. nga Prishtina është duke e shoqëruar djalin e saj nëntëmuajsh të shtrirë në Klinikën e Pediatrisë të QKUK-së.

Tash një javë ajo është duke e ndarë shtratin me E.G., dhe djalin e saj njëvjeçar, pasi që kjo klinikë nuk ka hapësirë të mjaftueshme për ta përballuar fluksin e pacientëve, shkruan sot Koha Ditore.

Sh.R . ka folur të mërkurën për gazetën, për vështirësitë që është duke kaluar prej ditës që e ka sjellë fëmijën në këtë klinikë.

“Kur kam ardhur ta shoqëroj djalin në këtë dhomë kanë qenë më shumë se dhjetë persona. Një shtrat e ndajmë me një nënë dhe një tjetër fëmijë. Katër persona në një shtrat, kjo është e tmerrshme”, ka thënë ajo.

Edhe E.G. ka treguar se si mungesa e shtretërve është sfidë për fëmijët dhe nënat e tyre. Por ajo ka thënë se, hiç problemet me hapësirën, trajtimi nga stafi është i mirë.

“Unë mund të fle edhe në dysheme vetëm nëse djali im merr trajtimin e duhur për grip. Hapësira ku flemë është mjaft e ngushtë, por po duhet t’ia dalim”, ka thënë ajo

Shpërndaje në rrjete sociale

Lajmet më të lexuara

Të ngjashme

Foto lajm