PDK mohon përleshjen në Gjilan

12:42 | 27 Shkurt 2019
L G

Partia Demokratike e Kosovës (PDK)  demanton lajmin për përleshjen mes asamblistit të saj në Kuvendin komunal në Gjilan, Hevzi Xhelili dhe anëtarit të  kryesisë Riad Rashiti.

I kontaktuar nga arbresh.info, vet anëtari i kryesisë së PDK-së  Riad Rashiti ka mohuar të ketë ndodhur një gjë  e tillë.

Ai madje ka pohuar se është duke e përgatitur një demantim.

“ Nuk është e vërtet kjo. Jam duke e përgatitur një reagim dhe shumë shpejt do ta publikojmë”, është shprehur Rashiti për arbresh.info.

Ndryshe, në media gjatë ditës së sotme është raportuar se dje, gjatë ditës, dy zyrtarë të degës së PDK-së në Gjilan asambleisti i Kuvendit Komunal në Gjilan, Hevzi Xhelili dhe anëtari i kryesisë , Riad Rashiti janë përleshur fizikisht përballë selisë së PDK-së në Gjilan.  Po ashtu sipas këtyre raportimeve Hevzi Xhelili e kishte  goditur me grusht Riad Rashiti ./ Elona Haxhiu/Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm