Kryetari i Grupit Parlamentar të Partisë Demokratike të Kosovës (PDK), Abelard Tahiri me mbështetjen e 42 deputetëve ka dorëzuar kërkesën për seancë të jashtëzakonshme të Kuvendit të Kosovës për nesër.
Tahiri e ka quajtur urgjencë që përfshinë sigurinë dhe kredibilitetin e Republikës së Kosovës, shkruan Arbresh.info.
“Në emër të 42 deputetëve, sapo dorëzova në Kuvend kërkesën për Seancë të Jashtëzakonshme për ditën e nesërme nga ora 12:00, lidhur me urgjencën që përfshinë sigurinë dhe kredibilitetin e kësaj Republike, për të kuptuar se sa thellë e ka përfshirë ky pushtet, terroristin Milan Radojçiq, në diktimin e agjendës së Kuvendit të Kosovës.”, shkroi ai.
“Ky turp nga rrafshi moral e ky degradim nga rrafshi institucional, ku një terroristi dhe një personi që gjendej në Listën e Zezë të SHBA-vë, iu është mundësuar ta diktojë agjendën e Kuvendit të Kosovës, nuk mund të kalojë pa përgjigje.”, shtoi Tahiri.
Ai theksoi se populli i Kosovës nuk meriton mjegull.
“Prandaj, e ftoj zonjën Kusari që nesër, para seancës në konferencë për media, apo gjatë seancës, t’i publikojë këto fotografi një për një, të evidentojë me emër e mbiemër dhe pozitë, të gjithë ata që paskan qenë në përurimin e shtëpisë së Radojçiqit dhe që i paskan dërguar dhurata atij”, u shpreh Tahiri.
Ndryshe sot deputetët e opozitës e kanë lëshuar seancën e Kuvendit pasi nuk u aprovua kërkesa e tyre për të debatuar rreth përgjimit në të cilën është përfshirë Mimoza Kusari-Lila dhe Milan Radoiçiq. 50 vota ishin kundër dhe 34 pro votuan që ky debat të futej në rend dite./Arbresh.info/
Pse Mbappe është i gatshëm të luajë për Real Madridin, por j...
Lirohet nga paraburgimi politikani serb, Arsenijeviq
Cila është arsyeja që i shtyn shumë konsumatorë drejt blerje...
Luzha thotë se tema e përgjimeve në kohë fushate është e zak...
Ylli i Zvicrës pyetet nëse do të jetë sigurim fizik i Xhakës...
Audioincizimet Kusari-Radoiçiq, Quni: Njollë që do mbetet gj...