Posti i drejtorit të Doganave ka futur në “luftë” dy partnerët e koalicionit qeveritar. Presidenti i Kosovës, Hashim Thaçi, ka kontestuar zgjedhjen e drejtorit të ri. Por, në anën tjetër zyrtarë të Ministrisë së Financave thonë se procesi ka qenë i rregullt, shkruan sot Gazeta “Zëri”.
Zgjedhja e Bahri Berishës për drejtor të ri të Doganave të Kosovës ka futur në “luftë” dy partnerët e koalicionit qeveritar, Lidhjen Demokratike të Kosovës (LDK) dhe Partinë Demokratike të Kosovës (PDK).
Për të ardhur në këtë pozitë Berisha ka pasur përkrahjen e LDK-së, ndonëse në garë për këtë pozitë ka qenë edhe Lulzim Rafuna, ish-drejtor i Doganave, ku nën menaxhimin e këtij të fundit Dogana viteve të fundit në masë të madhe ka rritur të hyrat për buxhetin e shtetit.
Ditë më parë ish-kreu i PDK-së, aktualisht presidenti i shtetit, Hashim Thaçi, përmes një letre drejtuar kreut të Kuvendit, Kadri Veselit, e ka konsideruar si të jashtëligjshëm procesin e përzgjedhjes së drejtorit të ri.
Por, të hënën, disa ditë më vonë, Ministria e Financave (MF) e cila udhëhiqet nga Avdullah Hoti i LDK-së ka sqaruar opinionin se procesi i përzgjedhjes së drejtorit të ri është konform procedurave të parapara.
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...