Google ADS

Pasnesër vendimi përfundimtar për Haradinajn

12:15 | 25 Prill 2017
Arbresh.info

Gjykata në Colmar të Francës pritet që të enjten të marrë vendim për kërkesën e Serbisë për ekstradimin e liderit të Aleancës për Ardhmërinë e Kosovës, Ramush Haradinaj.

Haradinaj vazhdon të jetë i ndaluar që nga data katër mars e këtij viti me urdhërarrest të lëshuar nga shteti i Serbisë, transmeton Indeksonline.

Ndryshe Haradinaj është duke u akuzuar për kryerje të krimeve në Kosovë në drejtim të serbëve, akuza nga të cilat doli i pafajshëm nga Gjykata e Hagës vite me parë.

Ndërsa Haradinaj gjatë ditës së djeshme është dekretuar nga Presidenti i Shqipërisë Bujar Nishani me shtetësinë shqiptare e sipas njohësve të drejtësisë, kjo gjë për të është një ndihmë mjaft e madhe pasi shteti i Shqipërisë ka të drejtë ligjore të involvohet drejtpërdrejtë në kërkesën e kundërligjshme dhe politike të Serbisë për ekstradim.

Por ish-kryeministri i vendit Haradinaj është shprehur ditë më parë se nuk beson në mundësinë e ekstradimit të tij në shtetin serb

Shpërndaje në rrjete sociale

Lajmet më të lexuara

Të ngjashme

Foto lajm