Pas daljes nga koalicion të Lidhjes Demokratike të Kosovës, ka ardhur edhe reagimi nga Ambasada mike e Britanisë së Madhe.
Ajo ka bërë thirrje që manovrimet politike të zhvillohen sipas Kushtetutës së Kosovës, transmeton portali arbresh.info.
“Në këto momente të emergjencës shëndetësore kombëtare, është edhe më e rëndësishme që manovrimet politike të institucioneve shtetërore, koalicionit qeverisës dhe partive opozitare, të zhvillohen sipas Kushtetutës së Kosovës. Të gjitha palët duhet të sigurojnë që diskutimet dhe negociatat e tyre të kryhen në një mënyrë që shërben për t’i siguruar komunitetet e Kosovës, në mënyrë që të mos shtohen shqetësimet dhe brengat e ndjera nga të gjithë në këto momente të vështira”, thuhet në deklaratë.
Ambasadori britanik Nicholas Abbott sot është takuar me kryeministrin Albin Kurti, të cilin e ka siguruar për mbështetjen e shtetit të tij për Kosovën.
“Në takimin e tij të sotshëm me Kryeministrin, Ambasadori Britanik Nicholas Abbott e siguroi Kryeministrin për mbështetjen e vazhdueshme të Mbretërisë së Bashkuar për pavarësinë dhe stabilitetin e Kosovës”./arbresh.info/
Nesër vazhdimi i seancës plenare të Kuvendit, ky është rendi...
Një 65 vjeçare vdes në spitalin e Gjakovës, policia nis heti...
Sa mund të fitojë Juventusi nga transferimi i Szczesnyt te B...
Policia gjobit me 300 euro shoferin për tejkalim të shpejtës...
Sa mbështetje ka Hezbollahu në Liban?
Plani për një shtet Bektashi, Rama: Status si një përfaqësi ...