Dialogu me Serbinë dhe zhvillimi ekonomik, do të duhej të jenë prioritet i partive politike në fushatën zgjedhore të shtatorit nëse do të synojnë të mbledhin votues të rinj.

Të paktën ky është opinioni i njohësve të çështjeve politike në vend.

Karshi këtyre dy premtimeve, çështje tjetër që duhet t’i jepet prioritet gjatë fushatës do të duhet të jetë edhe çështja e luftimit të korrupsionit e nepotizmit, thotë Arton Demhasaj nga organizata Çohu në një përgjigje dhënë Arbresh.info.

Madje, sipas tij ajo parti e cila do të ja mbush qytetarëve mendjen për këto çështje, ndoshta do të arrijë që të mbledhë votues.

 “Tash është çështja e dialogut më rendësi pastaj çështja e luftimit të korrupsionit nepotizmit e punësimeve partiake. Por ajo çka është ajo më rendësi është rritja e zhvillimit ekonomik dhe vendet e reja të punës. Pra cila do parti që do të mund të ja u mbush mendjen me këto  ka me arrit ndoshta të mbledhë më shumë votues”, ka përfunduar Demhasaj.

Se çështja e dialogut, zhvillimit ekonomik e luftimit të korrupsionit do të jenë vendimtare për të mbledhur vota në këto zgjedhje e thotë edhe profesori universitar, Mazllum Baraliu.

Ndonëse mendon se edhe  shëndetësia e arsimit do të kenë rol vendimtar për mbledhjen e votave, habitet me faktin se si asnjë parti deri tash nuk kanë përgatitur një program elektoral.

“Ende pothuajse asnjë subjekt politik nuk i kanë përgatitur programet, prioritetet e premtimet e tyre për të dalë para qytetarëve. Kjo tregon se subjektet politike janë të interesuara vetëm për pushtet dhe për qytetarët fare duke i lënë në një vakum.

Do të duhej të përqendrohen në çështjet ekonomike në investimet e huaj. Për shkak të keqqeverisjes nga 2008 kemi rënie të investime. Rënia e investimeve flet për një klimë të pafavorshëm. Do të duhej pastaj të jetë shëndetësia e në veçanti sigurimet shëndetësore, arsimi si dhe pastaj çështjen e dialogut me Serbinë.

Këto do të duhej të ishin premtimet dhe prioritetet e tyre gjatë fushatës në mënyrë që të mbledhin votues”, ka thënë Baraliu për Arbresh.info.

Kujtojmë se vendi ynë do të mbajë zgjedhjet e jashtëzakonshme më 6 tetor.

Ndërsa për dallim nga fushatat e kaluara, këtë herë partitë nuk do të mbledhin vota duke u thirrur në emër të Liberalizimit të Vizave, kjo për faktin se çështja e vizave ka mbetur tashmë në duar të ndërkombëtarëve./V.Selimi/Arbresh.info/