Partia politike e Vjosa Osmanit, Lista “Guxo” ka nisur raundin e parë të përgatitjeve për përcaktimin e Kuvendeve të para të degëve në qytetet e Kosovës.

Kjo është bërë e ditur nga vetë kjo parti përmes një njoftimi për media, shkruan abresh.info.

“Për opinionin tuaj, në vazhdën e takimeve me strukturat e “Guxo”, si dhe takimit koordinues që kishim sot me përfaqësues të “Guxo” nëpër Komuna, filloi raundi i parë i përgatitjeve për përcaktimin e Kuvendeve të para të degëve në qytetet e Kosovës. Procesi i zgjedhjes së strukturave të degëve, do të fillojë me Kuvendet zgjedhore në; Mitrovicë me datë 28 maj, në Prizren me datë 29 maj dhe në Ferizaj me 11 qershor”, thuhet në njoftim.

Zgjedhja e këtyre strukturave do të jetë proces i hapur e transparent për opinionin publik. Pas përfundimit të zgjedhjeve në nivelin e degëve, do të pasojë edhe zgjedhja e strukturave qendrore të partisë.

“Guxo”, apelon tek të gjithë përkrahësit dhe simpatizuesit e partisë të interesuar për konkurim ne strukturat drejtuese, që të lajmërohen në zyrat e partisë në qytetet përkatëse. /arbresh.info/