Asnjëherë në çfarëdo ngjarje nuk përton të flasë. Madje kryetarit të Drenasit, Ramiz Lladrovci, zakonisht nuk i mungojnë as batutat. Por, Lladrovci refuzoi të flasë kur u pyet për zgjedhjet në degën e Drenasit të Partisë Demokratike të Kosovës.
Ai nuk e pa të udhës të flasë as për partinë e re të Bekim Jasharit, mikut të tij të kamotshëm për çka është thënë se do t’i bashkohet.
Por, është dikush tjetër nga PDK që fletë për zgjedhjet e këtij subjekti në Drenas.
Ish-kryesuesi i Asamblesë të Drenasit, Naim Bazaj, ka shpallë kandidaturën për kryetar të kësaj partie në zgjedhjet e brendshme.
Bazaj që është kundërshtar i Ramiz Lladrovcit, nuk përjashton ndarjen e PDK-së në Drenas në rast se ky i fundit zgjidhet edhe kryetar partie.
“Nuk përjashtoj problemet…”.
Se mund të ketë ndarje e thotë edhe një ish-asambleist tjetër i PDK-së, Xhavit Drenori, i cili zgjedhjet në këtë parti i cilëson si farsë.
Drenori nuk e përjashton mundësinë që Ramiz Lladrovci t’i bashkohet iniciativës politike të Bekim Jasharit.
“Nëse nuk fiton ka me u bo kryetar i nismës së Bekim Jasharit…”
Partia Demokratike ka një kohë që ka shpallur zgjedhjet e brendshme, të cilat do të përfundojnë me Konventën Qëndrore që do të mbahet në muajin dhjetor.
Theret me thikë një burrë në Viti
Përleshja fizike mes 13 personave në Prishtinë, policia jep ...
Pati super paraqitje ndaj Bayernit por Raphinha pret edhe më...
Meloni: Marrëveshja Itali-Shqipëri për emigrantët do të funk...
Edon Zhegrova feston me plis në kokë fitoren ndaj Atleticos
Turqia sulmon caqe në Irak e Siri pas sulmit terrorist në An...