Agjencia e Ushqimit dhe Veterinarisë (AUV) ka njoftuar se sot është konfirmuar rasti i parë i prezencës së sëmundjes Murtaja Afrikane e Derrit (MAD) në komunën e Kllokotit.

Pas konfirmimit të prezencës së sëmundjes nga mostrat e marra, AUV bën të ditur se ekipet e inspektorëve veterinarë bashkë me kompaninë e kontraktuar kanë asgjësuar derrat e femrës se prekur dhe është bërë dezinfektimi i fermës dhe të gjitha gjerave rreth fermës, shkruan Arbresh.info.

Po ashtu është nisur hulumtimi epidemiologjik i fermave të zonës në perimetër 3km.

Duke u bazuar në ligjet në fuqi AUV ka themeluar shtabin e krizës i cili do të jetë përgjegjës për menaxhim të situatës.

Kjo sëmundje sipas njoftimit të AUV-së, nuk transmetohet te njeriu.

“Murtaja Afrikane e Derrave MAD është sëmundje ngjitëse virale që shkakton ethe hemorragjike tek derrat e butë dhe derrat egër. Përcjellët me letalitet të lartë deri në 100%. Sëmundja mund të shkaktojë dëme në ekonomitë familjare të fermerëve mbarështues të derrave. Sipas gjetjeve shkencore të deritanishme kjo sëmundje nuk transmetohet tek njeriu ( kjo sëmundje nuk i prek njerëzit). Por është e ndaluar therja e kafshëve qe tregojnë çfarëdo lloje shenje klinike të sëmundjes andaj fermerët duhet te raportojnë tek autoriteti kompetent AUV kur ka simptoma tek derrat. Po ashtu gjuetarët duhet të lajmërojnë AUV-në, në çdo raste kur hasin derr të ngordhur në pyje. Në mënyre qe të izolohet përhapja e sëmundjes.”, bën të ditur AUV.

Ndër të tjera AUV ka treguar se çfarë duhet të bëjnë fermerët e derrave për tu mbrojtur nga infektimi i feërmës së tyre.

“Parandaloni kontaktin e derrave të tjerë me derrat tuaj, Mbani derrat në kushte të mira, mos shkoni në tregje apo vende tjera ku ka derra, vendosni masat e biosigurisë ne fermë, vendos dezbarierat në hyrje dhe dalje të fermës, zvogëloni dhe kontrolloni hyrjet e njerëzve, pastroni dhe dezinfektoni objektet, pajisjet, veshjet dhe mbathjet e personave në kontakt me derrat, nëse vëreni shenja të sëmundjes lajmëroni autoritetin kompetent, nëse keni ngordhje, njofto autoritetin i cili do të ju ndihmoj për asgjësim, në asnjë rast mos i hidhni në hapësira publike derrat e ngordhura.”, njofton AUV/Arbresh.info.