Policia Kufitare ka njoftuar se ka parandaluar një rast të kontrabandës me mallra në veri të vendit.
Sipas njoftimit, njësia policore gjatë patrullimit në zonën kufitare, përkatësisht në liqenin e Ujmanit, ka vërejtur një barkë të cilën e ka përcjellë dhe e ka identifikuar në vendin e ndaljes, shkruan Arbresh.info.
Tutje thuhet se me të arritur në lokacion, në mes të rrugës kanë hasur një veturë të braktisur me targa të Serbisë, e cila dyshohet të ketë qenë e ngarkuar me mallin që ndodhej në barkë.
Gjatë kontrollit në veturë, Policia njofton se ka gjetur dhe sekuestruar mallra të ndryshme, si: “telefona mobil (19 copë), cigare (830 pako) të llojeve të ndryshme, çanta, veshmbathje, mjete shkollore (lapsa, fletore, ngjyra, gërshërë etj), lodra për fëmijë, kozmetikë etj.”
Siç thuhet në njoftim, mallrat e sekuestruara do të trajtohen sipas procedurave të parapara ndërsa rasti do të trajtohet nga njësitet përkatëse policore të Drejtorisë Rajonale Policore Kufitare-Veri në koordinim me organet e drejtësisë dhe Doganën e Kosovës./Arbresh.info
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit
Aliu: Kosova synon të lidhë rrjetin hekurudhor me atë evropi...
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë