Paralajmërimi i Nagavcit, a mund të jetë kjo ministrja e LVV-së me 5 portofolio?

10:01 | 25 Janar 2021
V. S.

Anëtarja e Kryesisë së Lëvizjes Vetëvendosje, Arbërie Nagavci e ka publikuar një fotografi me bashkëpartiaken e saj, Rozeta Hajdari, ndërsa i është referuar asaj si “ministrja me 5 portofolio”.

“Me Ministren me 5 portofolio Rozeta Hajdari”, ka shkruar Nagavci.

Nuk dihet nëse ky është një paralajmërim i Nagavcit se në rast se LVV-ja vjen në pushtet pas zgjedhjeve parlamentare, atëherë Hajdari do të emërohej sërish ministre e një sërë dikastereve të bashkuara në një ministri, por ajo nuk ka ngurruar që ta quajë atë ministre.

Gjatë qeverisjes së udhëhequr nga Albin Kurti, Rozeta Hajdari ishte emëruar ministre, duke udhëhequr Ministrinë e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike (MEPTINIS)./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm