Me zhvillimin e teknologjisë është lehtësuar edhe jetesa e njeriut.

Inteligjenca Artificiale po përshpejton integrimin e saj të thellë në industri të ndryshme, e cila po forcon integrimin dhe zhvillimin e ekonomisë digjitale dhe ekonomisë reale.

Robotët po luajnë një rol të rëndësishëm në të gjithë botën, pa përjashtuar edhe vendin tonë, raporton Arbresh.info.

Përdorimi i tyre po ndihmon të gjitha fushat jetësore të njeriut, përfshirë atë të mjekësisë, ushtrisë, argëtimit si dhe edukimit.

Roboti i quajtur Papper ka ardhur në Kosovë me qëllim të ndihmojë kolegjin “Heimerer” në fushën e mjekësisë.

Për rolin dhe rëndësinë e këtij roboti në këtë fushën e mjekësisë, na flet koordinatorja e projektit “Innovation Care and Robotics”, Erza Selmani, e cila thotë se ky robot ka ardhur si donaciona nga Gjermania

Ajo për Arbresh.info na tregon se roboti Papper e lehtëson jashtëzakonisht fushën e mjekësisë dhe të edukimit.

Por, a ekziston frika e zëvendësimit të njeriut nga robotët në fuqinë punëtore?

“Fillimisht e kemi bërë një studim analizë të situatës dhe të potencialit se a mundet diçka e tillë të implementimet në Kosovë dhe kemi ardhur në përfundim që popullata e re është duke punuar çdo herë në zhvillimin e teknologjisë dhe inovacionit, me ndërmarrësi të tjera dhe kanë një vullnet të zhvillimit të kësaj fushe në Kosovë mirëpo edhe në të njëjtën kohë nevojat e sistemit shëndetësor në Kosovë janë jashtëzakonshëm të larta për zhvillim të mëtutjeshme”, tha Selmani.

Zhvillimi i teknologjisë dhe përcjellja e këtij trendi në Kosovë, sipas koordinatores është mjaftë i qëlluar.

Po ashtu, ajo tregon edhe shërbimet që mund t’i kryejë roboti Papper në mjekësi.

Ky robot ka aftësi të komunikojë dhe të monitorojë pacientët, duke ua rikujtuar atyre marrjet e ilaçeve me kohë.

“Duke e parë trendin global kemi ardhur në përfundim që një zhvillim i tij do të ishte mjaftë i qëlluar në Kosovë dhe si e tillë është bërë si projekt. Në Kosovë jemi të parët që e kemi robotin Papper, sidomos në shëndetësi dhe edukim. Funksionet e robotit Papper janë fillimisht komunikimi, interaksioni me pacientët, pastaj është edhe monitorimi. Papper mundet të monitoroj pacient të ndryshëm për shembull me ia rikujtu atyre marrjen e ilaçeve, apo diçka të ngjashme. Pastaj mundet me e lidh pacientin me doktorin përmes tabletit që e ka”, tregon ajo.

Koordinatorja e këtij projekti pohon se ky robot nuk ka për qëllim zëvendësimin e njeriut por të shërbej si ndihmës shëndetësor.

Ajo pohon se blerja e robotit është e kushtueshme, mirëpo sipas saj, më e kushtueshme është programimi i vazhdueshëm i tij, në mënyrë që Papper të jetë në gjendje që të përgjigjet çdo lloj kërkese.

“Robotat social si Papper janë zhvilluar për me qenë ndihmës shëndetësor e jo me i zëvendësuar ata apo me kryer diçka që njeriu nuk mundet në hap të parë. Kështu që ideja e këtyre robotëve është ndihmës, nuk është që munden me e bo diçka më tepër. Investimet më i madh është programimi i vazhdueshëm, futja sa më shumë e informatave që Papper të jetë në gjendje që të përgjigjet çdo lloj kërkese të pacienteve tonë”, thotë Selmani.

Ndryshe, roboti Papper është financuar nga Ministria e Arsimit dhe Shkencës të Republikës Federale të Gjermanisë si pjesë e procesit të Berlinit./Arbresh.info/Diellza Gashi/