Pantina tregon se a do të japin dorëheqje si deputetë kundërshtarët e Kurtit

20:54 | 7 Shkurt 2018
Arbresh.info

Deputetja e Lëvizjes Vetëvendosje, Shqipe Pantina, që është pjesë e të dorëhequrve nga postet partiake, ka paralajmëruar se ka të pakënaqur si ajo, që ende mbajnë poste në këtë subjekt politik.

Deputetja, gjatë një interviste në RTV Dukagjini, konfirmoi se është takuar me dy të deleguarit, Glauk Konjufca e Shpend Ahmeti, për të parë mundësinë apo pamundësinë e kthimit brenda subjektit.

Ajo është pajtuar që nuk është në rregull që të vazhdojnë të dorëhequrit, kundërshtarë të kryetarit Albin Kurti, të qëndrojnë deputetë të VV-së në Kuvend.

Pantina tha se nuk do ta dorëzojnë mandatin e deputetëve, përkundër ndarjes eventuale nga Vetëvendosje, ndërsa ajo është pro një grupi të ri parlamentar.

Shpërndaje në rrjete sociale

Lajmet më të lexuara

Të ngjashme

Foto lajm