Policia e Kosovës ditë më parë ka dhënë detaje lidhur me vrasjen e së martës në Prishtinë, ku si pasojë dy persona humbën jetën.
Në raportin e Policisë bëhet e ditur se vrasja ka ndodhur pas një konfrontimi në mes të dy grupeve, në ora 21:20.
“…Policia ka marrë informatën për të shtëna me armë në rrugën ‘Jeronim De Rada’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Në këtë rast katër persona kanë marrë lëndime nga arma e zjarrit (dy nga ta lëndime të rënda), ndërsa një person tjetër ka pësuar lëndime nga goditja e njërit prej automjeteve të përfshira në rast”, njofton Policia.
“Si pasojë e plagëve nga arma e zjarrit njëri nga personat e plagosur: E. H, mashkull, 30 vjeç, ka vdekur mbrëmë, ndërsa sot rreth orës 11:00 nga QKUK jemi njoftuar se edhe viktima e dytë Z.G, femër, 48 vjeç, ka vdekur”, thuhet në raport.
E sot, Fakte Plus ka publikuar një video se si nisi konflikti mes dy grupeve, i cili vazhdoi edhe në orët e mbrëmjes.
Në këtë konflikt mes dy grupeve, viktima e dytë Z.G, femër, 48 vjeç ishte kalimtare e rastit.
Policia njofton se e ndjera është qëlluar nga arma e zjarrit derisa ndodhej në automjet pranë shtëpisë së saj dhe nuk ishte e pjesë e palëve të përfshira në rast./telegraf
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...