Palët të reflektojnë, mos ta fusin vendin në krizë

08:39 | 6 Korrik 2017
arbresh.info

Njohësi i çështjeve politike, Mazllum Baraliu, ka bërë me dije se Kosovës i duhet një qeveri stabile.

Në këtë intervistë dhënë për gazetën “Epoka e re”, ai ka thënë se për këtë arsye subjektet politike duhet të reflektojnë, duke lëvizur nga qëndrimet aktuale politike.

Baraliu ka pranuar se koalicioni PDK-AAK-Nisma mund ta bëjë qeverinë e re duke llogaritur në mbështetjen e disa deputetëve por, sipas tij, një qeveri e tillë nuk do të ishte stabile.

Baraliu nuk e ka përjashtuar mundësinë e përsëritjes së krizës politike të vitit 2014.

“Është e mundshme të kemi përsëritje të asaj krize, sepse Kushtetuta e Kosovës është e tillë që ka vakum. Kjo mund ta krijojë mundësinë që të ketë ngecje apo bllokadë”, ka thënë Baraliu.

Shpërndaje në rrjete sociale

Lajmet më të lexuara

Të ngjashme

Foto lajm