Pacolli: Qeveria Kurti të fillojë të mendojë se është edhe e atyre që nuk e kanë votuar

23:54 | 29 Dhjetor 2021
Trina Galanxhi

Kryetari i AKR-së, Behgjet Pacolli, ka përdorur thënien “Fituesi e drejton lojën” për të treguar se presidenti i ShBA-së e mban këtë pozitë edhe në atë pjesë të popullsisë që nuk e ka votuar.

Pacolli këtë thënie e ndërlidhi edhe me kryeministrin e vendit, Albin Kurti, për të cilin sugjeron që të fillojë e të mendojë se është kryeministër edhe i atyre që nuk e kanë votuar, njofton Klankosova.tv.

“Fituesi e drejton lojën”, thotë një thënie popullore, por loja ka rregullat e saj. Presidenti amerikan është edhe president i asaj pjese të popullsisë që nuk e ka votuar. Vendimet e qeverisë janë për t’u përshëndetur dhe sigurisht të nevojshme për të ecur përpara me forcimin e shtetësisë sonë. Nuk besoj se vendimet e mira nuk mbështeten edhe nga pjesa që nuk e ka votuar z. Kurti. Kjo është edhe një arsye që kjo qeveri të fillojë të mendojë se është edhe qeveria e atyre, nga të cilët nuk u votua”, ka shkruar Pacolli në Facebook.

Shpërndaje në rrjete sociale

Lajmet më të lexuara

Të ngjashme

Foto lajm