Pacolli pohon se liberalizimi i vizave do të ndodhë gjatë muajve të ardhshëm

00:20 | 1 Tetor 2019
Trina Galanxhi

Ministri i Jashtëm, Behgjet Pacolli, është shprehur shumë optimist se liberalizimi i vizave për qytetarët e Kosovës nga ana e Bashkimit Evropian do të ndodhë së shpejti.

Pacolli, i cili udhëheq Aleancën Kosova e Re, ka premtuar gjatë një tubimi në Prizren se vizat për Kosovarët do të hiqen gjatë muajve të ardhshëm.

Ai tha se këtë ia konfirmoi ministri finlandez, me të cilin ishte takuar sot gjatë ditës.

“Unë jam i bindur që në muajt e ardhshëm do të ndodhë liberalizimi, ju do të jeni ata që do të barazoheni me rininë e rajonit, ju do të udhëtoni lirshëm”, ka thënë Pacolli.

“Sot kisha në takim ministrin e Finlandës dhe njëfarë mënyre kjo me u konfirmua, por kjo do të ndodhë, do të plotësohet obligimi i madh që BE e ka ndaj Kosovës”, ka shtuar ai./blic/

Shpërndaje në rrjete sociale

Lajmet më të lexuara

Të ngjashme

Foto lajm