Kryetari i AKR-së, Behgjet Pacolli, tha se sot në Merdare është ndaluar një kosovar me nënshtetësi zvicerane nga policia serbe.
Me anë të një postimi në Facebook, Pacolli bëri të ditur se kosovari me iniciale E.E, po udhëtonte për në Kosovë për një varrim familjar dhe u ndalua për një kohë të gjatë, e të cilit, sipas Pacollit, i është kërkuar edhe ryshfet.
“Shembulli më i fundit ka ndodhur sot në vendkalimin Merdar, ku një kosovar EE ( shtetas zviceran) që po udhëtonte për në Kosovë, për një varrim familjar u ndalua për një kohë të gjatë, pa ndonjë arsye. Atij iu kërkua ryshfet. Për shkak të refuzimit për të paguar, ai u mbajt mbi 45 min, madje tentuan t’i konfiskojnë edhe ilaçet që i përdorë çdo ditë ( duke i’a përplas ato për tokë). Çfarë primitivizmi, çfarë kulture”, ka shkruar Pacolli.
Ai bëri të ditur gjithashtu se ngjarja ka ndodhur rreth orës 19:30, teksa shtoi se këto janë vetëm disa prej rasteve të përditshme të keqtrajtimeve.
“A është ky shteti që ka ndërtuar zotëri Vuçiçi!!!! Këto raste janë vetëm disa prej rasteve të përditshme të keqtrajtimeve skandaloze të udhëtarëve nga policia (shumë herë në gjendje të dehur) e Serbisë që duhet raportuar dhe dënuar nga të gjitha autoritetet ndërkombëtare”, tha Pacolli./Arbresh.info/
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?