Pacolli kërkon njohjen e Kosovës nga Republika e Mauritiusit

12:00 | 11 Mars 2018
Arbresh.info

Zëvendëskryeministrit dhe ministri i Punëve të Jashtme të Kosovës, Behgjet Pacolli ka kërkuar nga Republika e Mauritiusit që ta njoh Republikën e Kosovës si shtet të pavarur dhe sovran.

Pacolli, këtë e ka bërë të ditur përmes një statusi në Facebook, duke thënë se këtë kërkesë e ka bërë në 50 vjetorin e Pavarësisë së Mauritiusit, shkruan Arbresh.info.

Lexoni të plotë statusin e tij:

Republika e Mauritius-it po shënon 50 vjetorin e Pavarësisë. I kam dërguar një letër urimi përfaqësuesve të këtij shteti, duke i përcjellur urimet tona më të sinqerta për më shumë begati, zhvillim dhe mirëqenie për vendin dhe popullin e tyre. Kam kërkuar, që viti jubilar i 50 vjetorit të Pavarësisë së tyre dhe i dhjetë vjetorit të Pavarësisë tonë të shërbejnë si një pikënisje për vendosjen e urave të reja të bashkëpunimit në mes dy vendeve dhe dy popujve, e cila do të fillonte me njohjen e Republikës së Kosovës, si shtet të pavarur dhe sovran./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm