Google ADS

Pacolli: Forumi Ekonomik mes Kosovës e Greqisë në vjeshtë

20:51 | 13 Korrik 2018
Arbresh.info

Ministri i Punëve të Jashtme, Behgjet Pacolli, priti në një takim kortezie Ambasadoren e re të Republikës helenike në Kosovë, Chryssoula Aliferi.

Pacolli e njoftoi mysafiren në lidhje me zhvillimet e politikës së brendshme si dhe prezantoi prioritetet e politikës së jashtme të vendit, duke kërkuar në veçanti mbështetjen e shtetit grek sa i përket anëtarësimit në organizata ndërkombëtare.

Të dy bashkëbiseduesit vlerësuan nivelin e mirë të marrëdhënieve në mes dy shteteve duke shprehur përkushtimin reciprok për intensifikimin e mëtejmë të bashkëpunimit ekonomik.

Mbi qëllimin e njëjtë është dakorduar që një Forum Ekonomik në mes Kosovës dhe Greqisë të mbahet në vjeshtë të këtij viti, i cili synon t’i bashkojë udhëheqësit politikë dhe ndërmarrësit e të dyja vendeve.​

Shpërndaje në rrjete sociale

Lajmet më të lexuara

Të ngjashme

Foto lajm