Pacolli flet për praninë portalit arbresh në takim

21:10 | 5 Shtator 2017
Arbresh.info

Presidenti i AKR-së ka sqaruar arsyen e pjesëmarrjes së portalit arbresh.info në shtëpinë e tij në momentin e nënshkrimit të marrëveshjes me PAN-in.

Ai ka thënë se në momentin që i ka parë mediat tjera para shtëpisë së tij i ka hapur dyert për mediat.

“Nuk është e drejt që po më akuzoni për këtë. Unë nuk e kam ditur kush ka qenë aty dhe kush është i ftuar. Mysafirët i kam gjetur në shtëpi. Unë në atë stres nuk kam mundur të di të kujt janë ato kamera. Nuk ka qenë e qëllimshme prania e atij mediumi dhe vonë e kam kuptuar që jemi live. Mundeni ta merrni telefonin tim dhe të shihni cilat portale i kam like, është Koha.net dhe disa portale tjera por jo Arbresh.info”, ka thënë ai duke treguar se dyert i kishte hapur sapo i kishte parë mediat tjera.

“Unë kur kam hyrë nuk e kam parë asnjë media, kanë ardhur më vonë dhe në moment i kam hapur dyert, por është e padrejtë të më akuzoni”, ka thënë ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm