Google ADS

Pacolli: Dita kur Kosova të jetë anëtari i 194-të i OKB-së duket më e afërt se kurrë

22:51 | 23 Shtator 2017
Arbresh.info

Zëvendëskryeministri i Kosovës dhe ministri i Jashtëm, Behgjet Pacolli, përmes një postimi në Facebook, ku i ka bashkëngjitur edhe një fotografi, ka thënë se dita kur Kosova të bëhet anëtarja e 194-të e OKB-së është më afër se kurrë. 

“Dita, kur shteti ynë do të jetë anëtari i 194-të i Organizatës së Kombeve të Bashkuara duket më e afërt se kurrë”, ka shkruar Pacolli.

Ai ka shtuar se Kosova e meriton të jetë pjesë e kombeve të lira, pasi sipas tij, Kosova ka dëshmuar se është shtet paqedashës.

Postimi i plotë i Pacollit:

Mendja ma thotë dhe zemra më rrah, që flamuri i Republikës së Kosovës do të valojë dhe shkëlqejë, në njërën nga këto shtiza. Dita, kur shteti ynë do të jetë anëtari i 194-të i Organizatës së Kombeve të Bashkuara duket më e afërt se kurrë. Kosova e meriton vendin e saj në mesin e kombeve të lira sepse në ekzistecën e saj gati dhjetë-vjeçare ka dëshmuar se është shtet-paqedashës dhe ka forcuar stabilitetin rajonal.

21767950_10159322182955153_2766357397588830839_n

Shpërndaje në rrjete sociale

Lajmet më të lexuara

Të ngjashme

Foto lajm