I pari i Aleancës Kosova e Re (AKR), Behgjet Pacolli e sheh shumë të nevojshme shpalljen e gjendjes së jashtëzakonshme në vend, për të marrë masa më të rrepta për mbrojtjen e qytetarëve pas përhapjes së përshpejtuar të koronavirusit.
Kreu i AKR-së, po ashtu u bën thirrje të gjitha partive politike parlamentare të mbështesin këtë dekret dhe të sigurojnë që vendi të qëndrojë i bashkuar në tejkalimin e pandemisë globale të koronavirusit. AKR gjithmonë do të luajë rolin e saj konstruktiv në Republikën e Kosovës dhe institucionet e saj.
Pacolli, po ashtu thotë se AKR mbështet çdo përpjekje që synon heqjen e takses tregtare të vendosura ndaj Serbisë dhe mbajtjen e partneritetit të ngushtë me Shtetet e Bashkuara dhe Bashkimin Evropian.
Ai u bën thirrje për unitet dhe koordinim të ngushtë të të gjithë liderëve politikë dhe institucionalë në Kosovë dhe të partive politike parlamentare./arbresh.info
Postimi i plotë i tij:
Aleanca Kosova e Re e sheh shumë të nevojshme për të shpallur gjendje të jashtëzakonshme në Republikën e Kosovës ( sikurse në shumicën e vendeve europiane) për të marrë masa më të rrepta për të mbrojtur publikun pas përhapjes së përshpejtuar të koronavirusit në Republikën e Kosovës.
Një masë e tillë do të mundësojë që institucionet e Republikës së Kosovës të kenë një menaxhim të përgjegjshëm dhe profesional të situatës dhe të sigurojnë sigurinë e të gjithë qytetarëve në Republikën e Kosovës.
AKR u bën thirrje të gjitha partive politike parlamentare të mbështesin këtë dekret dhe të sigurojnë që vendi të qëndrojë i bashkuar në tejkalimin e pandemisë globale të koronavirusit. AKR gjithmonë do të luajë rolin e saj konstruktiv në Republikën e Kosovës dhe institucionet e saj.
AKR mbështet çdo përpjekje që synon heqjen e takses tregtare të vendosura ndaj Serbisë dhe mbajtjen e partneritetit të ngushtë me Shtetet e Bashkuara dhe Bashkimin Evropian.
AKR bën thirrje për unitet dhe koordinim të ngushtë të të gjithë liderëve politikë dhe institucionalë në Kosovë dhe të partive politike parlamentare.
Ne nuk mbështesim rivalitetet dhe betejat politike bazuar në hakmarrje, inate dhe vetjake që shkojnë në dem të qytetarëve të Kosovës.
Kamala Harris sheh “rritje historike” – sondazhet e NBC dhe ...
Tensionet Izrael-Hezbollah/ Biden: Po bëjmë çdo gjë për të p...
Rama në OKB: Urdhri Bektashi, qendër tolerance
Turbulencat në ajër? 10 gjëra që duhet të dini për një udhët...
Kurti: Kosova është fener i demokracisë dhe të drejtave të n...
Milan triumfon në derbin “Della Madonnina”