Google ADS

OVL-UÇK mban protestë kundër ZPS-së dhe EULEX-it, pas bastisjeve të fundit

07:27 | 15 Shtator 2023
K.B

Ushtruesi i detyrës së kryetarit të OVL të UÇK-së, Faton Klinaku ka ftuar qytetarët e Kosovës për protestë kundër Zyrës së Prokurorit të Specializuar në Hagë dhe EULEX-it.

Klinaku njofton se protesta do të mbahet tek selia e EULEX-it, në Fushë Kosovë duke filluar nga ora 12:00, shkruan Arbresh.info

Shkrimi i tij i plotë:

Jeni dëshmitarë që Zyra e Prokurorit të Specializuar në Hagë dhe EULEX-i janë, duke i shqetësuar familjet e bashkëluftëtarëve tanë dhe familjet e dëshmorëve, duke dërguar pa paralajmërim njerëz të panjohur e me kapela në kokë, për gjoja intervistime e duke ua konfiskuar edhe telefonat e tyre personal.

Kjo gjë kështu, siç po bëjnë këta të panjohur për ne, po bëhet në shtetin tonë sikur dikur në kohën e pushtuesit, dhe institucionet tona vetëm po heshtin.

Prandaj, duke pasur parasysh këtë, ne thërrasim protestë kundër ZPS-së dhe EULEX-it, te selia e tyre në Fushë Kosovë, nesër me datë 15 shtator 2023, ora 12:00.
Ju ftojmë që të merrni pjesë në protestë.

Shpërndaje në rrjete sociale

Lajmet më të lexuara

Të ngjashme

Foto lajm