Google ADS

Osmani: Tahir Zemaj do të jetë gjithmonë simbol i sakrificës dhe i luftës për liri

12:00 | 4 Janar 2025
E.K

Presidentja e Kosovës, Vjosa Osmani, ka kujtuar heroin e Kosovës, Kolonelin Tahir Zemaj, në 22-vjetorin e vrasjes së tij.

Osmani përmes një postimi në Facebook, ka thënë se në 22-vjetorin e vrasjes, e kujtojmë me respekt kolonelin Tahir Zemaj, ushtarakun e UÇK-së dhe njërin nga figurat më të shquara të luftës për liri.

“Në 22-vjetorin e vrasjes, e kujtojmë me respekt Heroin e Kosovës, Kolonelin Tahir Zemaj, ushtarakun e UÇK-së dhe njërin nga figurat më të shquara të luftës për liri. 22 vjet më parë, ai u vra pabesisht në hyrje të Pejës, së bashku me të birin Enisin dhe kushëririn Hasanin. Vrasësit, të cilët lanë pas tragjedinë dhe dhimbjen, ende nuk janë ndëshkuar. Kjo është një dhimbje që nuk mund të fshihet, një plagë që është ende e hapur”, tha ajo.

Ajo nënvizon se emri i tij do të mbetet gjithmonë simbol i sakrificës dhe i luftës për liri dhe pavarësi./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm