Presidentja e Republikës së Kosovës, Vjosa Osmani, në një konferencë për media bashkë me presidentin e Shqipërisë, Ilir Meta, ka folur për zhvillimin e djeshëm në Parlamentin e Shqipërisë ku është votuar me shumicë absolute të votave Rezoluta kundër raportit të Dick Martyt.
Osmani ka thënë se institucionet e Kosovës dhe çdo shqiptar në vazhdimësi e kanë thënë dhe vazhdojnë ta thonë se luftën çlirimtare të UÇK-së s’mund ta zhbëjë askush.
Tutje, ka thënë se pretendimet dhe thashethemet e Raportit të Dick Martyt ka kohë që janë hedhur në pleh nga Prokurorët e Hagës, duke përmendur prokurorin Williamson, i cili kishte thënë në raportin e tij se s’ka kurrfarë argumentesh për pretendimet për trafik organesh.
“Kuvendi i Shqipërisë ka shprehrur atë që secili shqiptar e ka thënë deri sot që Lufta çlirimtare e Kosovës, Lufta çlirimtare UÇK-së s’mund të zhbëhet nga askush. Historinë s’mund ta ndryshojë askush. Kosova asnjëherë nuk ka pasur çfarë të fsheh, sepse Kosova e ka mbrojtur vetveten nga një regjim gjenocidal të udhëhequr nga Millosheviqi”.
“Prokurorët e Hagës i kanë gjuajtur në pleh ato gojëdhëna e thashetheme të Dick Martyt kinse sa i përket kinse trafikimit me organe gjë që askush nga Kosova nuk e ka bërë”, tha Osmani./arbresh.info/
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...