Presidentja e Kosovës, Vjosa Osmani, ka lëshuar një deklaratë pas vdekjes së Mbretërëshës Elizabeth II, duke thënë se e ndjera ishte një udhëheqëse e vërtetë dhe një grua e jashtëzakonshme që ia kushtoi jetën shërbimit për vendin e saj dhe se populli i Kosovës është thellësisht i pikëlluar nga lajmi për vdekjen e saj.
Deklarata e plotë:
Qytetarët e Republikës së Kosovës, krahas miliona njerëzve anë e mbanë botës, janë thellësisht të pikëlluar nga lajmi për ndarjen nga jeta të Lartmadhërisë së Saj, Mbretëreshës Elizabeta II.
Mbretëresha Elizabeta e udhëhoqi Mbretërinë e Bashkuar me zell, me hir e përulësi dhe e vendosi shërbimin dhe detyrën ndaj vendit të saj mbi çdo gjë tjetër. Ajo ishte një udhëheqëse e vërtetë dhe një grua e jashtëzakonshme.
Vdekja e Lartmadhërisë së Saj shënon fundin e një epoke si monarkja më jetëgjatë në historinë e Mbretërisë së Bashkuar, por trashëgimia e Elizabetës së Madhe do të vazhdojë të frymëzojë breza të tërë.
Populli i Mbretërisë së Bashkuar na erdhi në ndihmë në ditët tona më të errëta, ndaj sot ne bashkëndjejmë me zemër të rënduar për këtë humbje të madhe së bashku me Familjen Mbretërore dhe të gjithë qytetarët e Mbretërisë së Bashkuar.
U prehtë në paqe Lartmadhëria e Saj!
Ministria e Mbrojtjes: Rreth 6500 vullnetarë rekrutohen në U...
Vengu: Regjimenti i Operacioneve Speciale, pjesë e stërvitje...
Kurti do të marrë pjesë në Forumin e Sigurisë së Varshavës
Ministrja Haxhiu inkurajon gratë të ndjekin rolet udhëheqëse
UEFA publikon formacionin e javës së parë të Champions Leagu...
Institutit i Krimeve të Luftës dhe ASK nënshkruan memorandum...