Google ADS

Osmani përkujton viktimat e masakrës së Sllovisë: Vendosja e drejtësisë, parakusht për paqe të qëndrueshme

18:39 | 15 Prill 2024
E.H

Presidentja e vendit, Vjosa Osmani ka përkujtuar masakrën e Sllovisë 25-vjet më parë ku mbetën të vrarë 45 shqiptar.

“25-vjet më parë, respektivisht më 15 e 16 prill 1999, në Sllovi të Lipjanit, forcat e regjimit gjenocidal të Serbisë vranë dhe masakruan 45 shqiptarë dhe plagosën shumë të tjerë. Sikurse në të gjitha masakrat kudo në Kosovë, regjimi kriminal shpërfaqi barbarinë e tij, në përpjekje për shfarosje të shqiptarëve dhe spastrim etnik”, ka deklaruar Osmani.

Ajo ka kërkuar drejtësi për viktimat dhe sjelljen e autorëve të krimit para drejtësisë

“Vendosja e drejtësisë dhe sjellja e autorëve të krimit para drejtësisë, janë parakusht për paqe të qëndrueshme. Ndërkaq kujtimi për viktimat është edhe dëshmi e rrugës së vështirë, të cilën e kemi bërë për të qenë të lirë. Qoftë i përhershëm kujtimi për të gjithë të rënët për liri”, tha Osmani./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm