Google ADS

Osmani për Kelmendin: Grua që aktivizmin e saj politik e orientoi në dobi të luftës për liri e pavarësi

19:30 | 19 Qershor 2023
E.H

Presidentja e vendit, Vjosa Osmani e ka përkujtuar ish-ministren e Drejtësisë, Nekibe Kelmendin në 12 vjetorin e vdekjes.

Osmani tha se politikanja dhe anëtarja e LDK-së ishte model i gruas që aktivitetin e saj politik e profesional e shndërroi në dobi të luftës për liri e pavarësi.

“Ajo ishte një grua e paepur dhe stoike. Qëndroi deri në fund pavarësisht humbjes tragjike të burrit dhe djemve të saj. Nekibe Kelmendi është modeli i gruas që aktivizmin politik e profesional e orientoi në dobi të luftës për liri e pavarësi. Ajo dha kontribut të çmuar edhe në jetën institucionale pas luftës. Një bashkëpunëtore e presidentit historik dr. Ibrahim Rugova, e cila la pas një trashëgimi të bujshme të angazhimit të saj në vitet më të vështira dhe një model i gruas qëndrestare. Në dymbëdhjetë vjetorin e përjetësisë së saj, e kujtojmë me respekt këtë figurë, e cila mbetet model i gruas së angazhuar për liri e pavarësi!”, tha Osmani./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm