Osmani: Nuk e di sa deputetë do të jenë nesër, disa prej tyre janë me probleme shëndetësore

18:01 | 24 Mars 2020
L G

Kryetarja e Kuvendit të Kosovës, Vjosa Osmani tha se disa nga deputetët  janë në gjendje jo të mirë shëndetësore.

Ajo tha se nuk e di nëse në seancën e nesërme do të jenë prezent të gjithë deputetët.

“Tani unë nuk e di se sa deputetë do të jenë nesër në këtë seancë. Unë jam e njoftuar që ka deputetë me probleme shëndetësore, dhe natyrisht ata që kanë edhe probleme të tjera  kronike, janë në rrezik, megjithatë, është vendim i shumicës dhe nesër do të jetë vendim personal i secilit deputet”, u shpreh Osmani

Ajo tha se nuk ka pasur alternativë tjetër për vendin ku të mbahej  seanca.

“Mendimi im ka qenë që të mos mbahet në seancën plenare, por të gjejmë alternativa tjera. Nuk ka pasur ndonjë propozim aty, mirëpo meqë shumica insistoj që të mbahet këtu, me adaptimin e sallës, atëherë kështu do të jetë”, u shpreh Osmani./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm