Osmani në New York takoi ministrin e Jashtëm të Haitit, u diskutua për krizën energjetike dhe atë ushqimore

19:43 | 23 Shtator 2022
E.H

Presidentja e Republikës së Kosovës, Vjosa Osmani në vazhdën e takimeve në New York, ka takuar kryesuesin e delegacionit të Haitit në Asamblenë e Përgjithshme të OKB-së, njëherësh ministër i Jashtëm i Haitit, Jean Victor Généus.

Përmes një komunikate për media bëhet e ditur se në takim u riafirmuan marrëdhëniet e mira dhe u diskutua për hapjen e kapitujve të ri të bashkëpunimit.

U diskutua edhe për situatën në përgjithshme në rajon e më gjerë, krizën energjetike dhe atë ushqimore.

Presidentja Osmani theksoi se në kohë sikurse këto solidariteti dhe veprimi i përbashkët janë parakushte për tejkalimin e situatave të tilla.

Në takim me ministrin Généus, Presidentja Osmani theksoi se Kosova është e përkushtuar fuqishëm për integrimin euroatlantik dhe se ka shënuar përparim në reformat në drejtësi dhe sundim të ligjit.

Sipas saj, forcimi i pozitës ndërkombëtare të Kosovës është prioritet shtetëror./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm