Bujar Osmani, kryediplomati i Maqedonisë së Veriut, ka thënë duhet mbështetur te ShBA-ja edhe kur mendojmë se mund ta kenë gabim.
Ai ka thënë se kjo ka qenë pikërisht eksperienca e vendit prej nga vjen ai.
“Eksperienca jonë ka qenë kjo, edhe tash si ministër i Jashtëm edhe si përfaqësues i Maqedonisë së veriut, dhe këtë mund ta rekomandoj zëshëm pa asnjë dilemë te çdo politikë në rajon – mbështetuni te ShBA-ja edhe kur mendoni se nuk e ka mirë për shkak se linjat strategjike i kemi të përbashkëta”, theksoi Osmani, që ushtron edhe postin e Kryesuesit të OSBE-së
Ai tha se politikat amerikane nuk i bëjnë individët, por janë pjesë e një strategjie të politikës së jashtme të ShBA-së.
“Unë mendoj se politikat amerikane i bëjnë individët në një moment të caktuar, ata janë pjesë e një mozaiku më të madh që e ndërton si strategji politika e jashtme e ShBA-së. Por, ky është leksioni nga Maqedonia e Veriut, qoftë si shqiptarë, qoftë në përgjithësi si qytetarët të Maqedonisë së Veriut, partneriteti me ShBA-në nuk mund të dështojë”, deklaroi Osmani në Rubikon.
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...