Google ADS

Osmani kujton Nekibe Kelmendin: Vendosmëria, guximi dhe angazhimi i saj mbeten referencë për brezat e tashëm

16:08 | 19 Qershor 2024
E.G

Presidentja e Kosovës, Vjosa Osmani ka përkujtuar Nekibe Kelmendin në 13- vjetorin e ndarjes nga jeta.

Ajo tha se trashëgimia e saj, vazhdon të na frymëzojë dhe udhëheqë, shkruan Arbresh.info.

“Sot në 13-vjetorin e ndarjes nga jeta, kujtojmë me respekt bashkëpunëtoren e presidentit historik dr. Ibrahim Rugova, gruan stoike, avokaten, aktivisten politike dhe ish-ministren Nekibe Kelmendi, trashëgimia e së cilës vazhdon të na frymëzojë dhe udhëheqë.”, ka shkruar ajo.

“Një jetë të tërë ia kushtoi profesionit të avokates dhe angazhimit politik për Kosovën e lirë dhe të pavarur, duke i bërë ballë vrasjes së burrit dhe dy djemve të saj nga regjimi gjenocidal i Millosheviqit.”, shtoi ajo.

Osmani tha se vendosmëria, guximi dhe angazhimi i saj mbeten referencë për brezat e tashëm dhe të ardhshëm./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm